11zahidjalali

غوښتنه!

09.10.2013 08:45

غوښتنه!
ګرانو دوستانو!
په مصر کې د ماشومانو د ادبياتو د جايزې ګټونکي استاد احمد نجیب چې په مختلفو پوهنتونو کې د ماشومانو د ادبياتو د څانګې رئيس او استاد هم دی، يو جالب کتاب مې ماشومانو ته ژباړلی. کتاب «ماشومانو ته نړيوالې کيسې» نومېږي او هر مخ يې رسمونه هم لري. زه وايم چې دغه کتاب بايد همداسې رنګين چاپ شي، ځکه د کتاب رسمونه ماشومانو ته په زړه پورې وي.
کتاب تقریبا ۱۶۲ مخه لري. په رنګه چاپولو يې مصرف ډېر راځي. که يې خپروندوی ته ورکوم، کېدای شي زړه ورته ښه نه کړي او که يې چاپ هم کړي، حتمي ده چې نرخ به يې اوچت وي، چې ډېری ماشومان به يې د اخيستلو وس نه لري.
له ټولو دوستانو هيله لرم چې که کومه خيريه ټولنه يا کوم تجار پېژني چې د خير دغه کار ته زړه ښه کوي، ما ته دې راوپېژني. چې کتاب پرې چاپ او په ټيټ نرخ يې تر ګلونو ماشومانو ورسوو.

له دوستو ډيزاينرانو هم دا هيله لرم چې د کتاب پوښتي ډيزاين او دننه ډيزاين کې راسره مرسته وکړي. څو د ټولنې دغه محروم قشر ته د لوستو ور خلاص کړو. په همدې هيله

هيله ده پيغام له دوستانو سره شريک کړئ


ستاسو تبصره


لطفاً لاندې افغانستان په انګليسي تورو وليکئ.
كاپي كول د ماخذ د يادولو او د ليكوال د نوم ليكلو په صورت جواز لري٠ اړيكه:zahid.jalaly@gmail.com او ګرځنده شميره:00923319046248